A principios de decembro celebráronse en Berlín unhas reunións para desenvolver o proxecto europeo AIRE (Adapting and Installing an international vocational training for Renewable Energies). A estas reunións asistiron os profesores do departamento de Enerxía e Auga Jose Vázquez e Pepe Vila.
O principal obxectivo do programa AIRE é establecer un certificado europeo de resultados de aprendizaxe, para a formación profesional en enerxías renovables. Desta forma, os alumnos dos centros da rede AIRE obterán un certificado que avale a nivel europeo os seus coñecementos. Isto facilitará o intercambio de traballadores neste sector entre os países participantes.
O noso Centro foi invitado a participar no desenvolvemento deste proxecto e agora estamos no proceso de solicitude dun programa europeo que poida financiar esta participación.
